გამოცდების ეროვნული ცენტრი სპეციალურ განცხადებას ავრცელებს. აბიტურიენტებს, ვინც საგამოცდო ბარათი დაკარგა, ბარათის აღდგენის პროცესებს აცნობს. „რეპორტიორი" განცხადებას უცვლელად გთავზობთ:

"იმ მონაწილეთა საყურადღებოდ, ვინც დაკარგა საგამოცდო ბარათი - საიდენტიფიკაციო ნომრის აღსადგენად უნდა დაუკავშირდეთ ცხელ ხაზს 2473333 10:00 საათიდან 18:00 საათამდე, რომ მათ ბაზაში შეძლონ შესაბამისი მონაცემების მოძიება, ან გაგზავნოთ წერილი ელ.ფოსტაზე onlineregistration@naec.ge გაცნობებთ, რომ საძიებო სისტემა სრული დატვირთვის დროსაც შეუფერხებლად მუშაობს - ნებისმიერი გამოცდის შედეგების განთავსების შემდეგ რამდენიმე ათასი უნიკალური შემოსვლა ფიქსირდება დროის მცირე მონაკვეთში.

შედეგები, გარდა naec.ge-სა, შეგიძლიათ ნახოთ online.naec.ge ზე. გაითვალისწინეთ: თუ სისტემა გპასუხობთ, რომ აპლიკანტი არ მოიძებნა, მონაცემები შეცდომითაა შეყვანილი. გამოცდების ეროვნული ცენტრი შედეგებს გასწორების პროცესის დასრულებისთანავე აქვეყნებს, ზუსტი დროის (დღისა და საათის) წინასწარ დასახელება, პროცესის სპეციფიკიდან გამომდინარე, შეუძლებელია."