„2014 წლის ბიუჯეტზე მთავრობა მუშაობას ამ კვირაში დაასრულებს და რამდენიმე დღეში მთავარი საფინანსო დოკუმენტის კორექტირებულ ვარიანტს პარლამენტს გადაუგზავნის", - ამის შესახებ ფინანსთა მინისტრმა ნოდარ ხადურმა განაცხადა.

„ფინანსთა სამინისტროსთვის მთავარი სამუშაო მომავალი წლის ბიუჯეტია. ამ კვირის ბოლოს მთავრობა ხელახლა მიუბრუნდება მას. საფინანსო დოკუმენტში შევა გარკვეული კორექტირებები, მაგრამ არა მნიშვნელოვანი. პრიორიტეტები, რომელზეც ვსაუბრობდით, ყველაფერი გათვალისწინებული იქნება. მომავალი წლის ბიუჯეტზე ვმუშაობთ, არა შემცირების, არამედ, გაზრდის მიმართულებით, ზოგიერთი მიმართულებით შესაძლოა დაფინანსება გაიზარდოს", - განაცხადა ხადურმა.