„მავნე ზეგავლენისაგან არასრულწლოვანთა დაცვის შესახებ" საქართველოს კანონში ცვლილებებისა და დამატების შეტანას საპარლამენტო უმრავლესობის დეპუტატი დავითაშვილი აუცილებლად მიიჩნევს:

„ადამიანის უფლებათა დაცვის კომიტეტი განიხილავს ჩემს მიერ წარმოდგენილ კანონპროექტს „მავნე ზეგავლენისაგან არასრულწლოვანთა დაცვის შესახებ" კანონში ცვლილებების შეტანის თაობაზე. ძალიან დიდი ვნებათაღელვა გამოიწვია ცვლილებებმა „სერიალებთან" დაკავშირებით. ეს არ შეეხება მხოლოდ სერიალებს, და არაფერი ცენზურის მსგავსი აქ არ შემოდის. მიმაჩნია, რომ ფილმი, რომელიც მავნეა არასრულწლოვანთათვის, და დადგენილია კიდეც, რომ მავნეა უკვე, უნდა გადიოდეს იმ საათებში, რომლის დროსაც ისინი ვერ მოახერხებენ მის ნახვას",- განაცხადა დავითაშვილმა.