განათლების სამინისტროს და გამომცემლობებს შორის მორიგება ვერ შედგა. როგორც რადიო „კომერსანტთან" საუბარში გამომცემლობების ადვოკატი აცხადებს, მხარეებს მოსარიგებლად ერთი თვის ვადა მიეცათ, თუმცა გამომცემლობების მხრიდან გარკვეულ დათმობებზე წასვლის მიუხედავად, სამინისტრო მათთან დისკუსიაშიც არ შევიდა.

გიგა ბათლიძის თქმით, დღეს სახელმწიფო კანცელარიაში საქმის განხილვის დასკვნითი სხდომა გაიმართება და თუ საქმე გამომცემლობების სასარგებლოდ არ გადაწყდა, საქმის განხილვა სასამართლოში გაგრძელდება.

გამომცემლობები განათლების სამინისტროს იმ გადაწყვეტილებას აპროტესტებენ, რომლის თანახმადაც სასკოლო სახელმძღვანელოების ბეჭდვის უფლება მხოლოდ უწყების შერჩეულ ოთხ სტამბას მიეცა.