თსუ-ში დღეს ანსამბლ "გორდელას" დასკვნითი კონცერტი გაიმართება. კონცერტი პროექტის - "სადაც ვშობილვარ, გავზრდილვარ", ფარგლებში იმართება.

კონცერტში მონაწილეობას მიიღებენ - თსუ-ს "გორდელა", ახალქალაქის, ნინოწმინდის, წალკის, ბოლნისის, ახმეტის, მარნეულის და გარდაბნის ფოლკლორული ანსამბლები.

პროექტი საქართველოში კომპაქტურად მცხოვრები ეროვნული უმცირესობებისათვის ქართული ენის, ტრადიციებისა და კულტურის უფრო ახლოს გაცნობას ემსახურება.

პროექტის მხარდამჭერები არიან აშშ-ს საელჩო საქართველოში, სპორტისა და ახალგაზრდობის სამინისტრო, სახელმწიფო მინისტრის აპარატი რეინტეგრაციის საკითხებში და თსუ. პროექტი აშშ-ს მთავრობის დაფინანსებით განხორციელდა.