რუსეთის ფედერაციის საგარეო საქმეთა მინისტრმა, ჟურნალისტებთან რუსეთ-საქართველოს ურთიერთობებზე ისაუბრა. სერგეი ლავროვის განცხადებით, თუ საქართველოს სურს რუსეთთან ურთიერთობების ნორმალიზება, ოფიციალურმა თბილისმა დღევანდელი რეალობა უნდა გაითვალისწინოს და ვითარებას შეეგუოს.
„როდესაც ირღვევა საზღვარი და თან ამას არავინ აკონტროლებს, ნებისმიერი ქვეყანა ავლებს მავთულხლართებს, ფიზიკურად ამაგრებს საზღვარს. შეთანხმების მიხედვით ხდება ხალხის გაშვება. ჩვენზე თუ არის დამოკიდებული რუსეთ-საქართველოს ურთიერთობები, კარგი პერსპექტივა ნამდვილად აქვს, თუ სრულყოფილად გვინდა ურთიერთობების ნორმალიზება, მაშინ ვერაფერს გეტყვით გარდა იმისა, რომ საჭიროა ახალი რეალობის აღიარება, რომელიც რეგიონში ჩამოყალბდა", - აცხადებს ლავროვი.
სერგეი ლავროვმა ეს განცხადება კიევში, ეუთო-ს მინისტერიალზე ვიზიტის დროს გააკეთა.
