„მივესალმები დღეს ექიმ ვაჟა გაფრინდაშვილის გათავისუფლებას და ახალი წლის პერიოდში მის ოჯახთან დაბრუნებას“, - ასე გამოეხმაურა საქართველოში ევროკავშირის ელჩი კარლ ჰარცელი საოკუპაციო რეჟიმის უკანონო პატიმრობიდან ექიმ ვაჟა გაფრინდაშვილის გათავისუფლების ფაქტს „ტვიტერის“ საკუთარ გვერდზე.

„ამავდროულად მსურს კიდევ ერთხელ აღვნიშნო, რომ მნიშვნელოვანია დაუყოვნებლივ გადაიდგას ნაბიჯები გამშვები პუნქტების გასახსნელად“, - წერია ევროკავშირის ელჩის კარლ ჰარცელის განცხადებაში.

ცნობისთვის, ექიმი ვაჟა გაფრინდაშვილი უკანონო პატიმრობიდან დღეს გათავისუფლდა.