“თებერვლის ბოლომდე ოპოზიციამ უნდა თქვას, უბრუნდებიან თუ არა დიალოგის მაგიდას,” - ამის შესახებ საპარლამენტო უმრავლესობის ლიდერმა, მამუკა მდინარაძემ ჟურნალისტებს განუცხადა.

 „თუ ოპოზიციამ არ წარმოადგინა კონკრეტული ხედვა, კონკრეტული წინადადება და მოლაპარაკების მაგიდასთან არ დაბრუნდნენ, ე. ი. მათი ლუსტრაცია ხდება და მათ არ აინტერესებთ საარჩევნო კოდექსი, არჩევნები და  მათი სცენარი არის რევოლუციური. ოპოზიციას პირობას ვაძლევთ, რომ რევოლუციურ სცენარს ისინი ვერ განავითარებენ და არჩევნები ჩატარდება 77/73-სისტემით“, - განაცხადა მდინარაძემ.