საჩხერის სამედიცინო ცენტრში ახალი კორონავირუსით მოთავსებული ორი პაციენტი გამოჯანმრთელდა და ისინი სამედიცინო ცენტრს დღესვე დატოვებენ. ამის შესახებ საქართველოს პირველ არხს საჩხერის სამედიცინო ცენტრის დირექტორმა, მიხეილ ქამუშაძემ განუცხადა.

ქამუშაძის ინფორმაციით, ლაბორატორიიდან 10 საეჭვო პაციენტის პასუხი მიიღეს და აქედან ცხრა უარყოფითია. „კოვიდ 19“ ახალგაზრდა მამაკაცს დაუდასტურდა, რომელსაც ორმხრივი პნევმონია აქვს. მისი ჯანმრთელობის მდგომარეობა სტაბილური და საშუალო სიმძიმისაა.

ამ დროისთვის საჩხერის სამედიცინო ცენტრში „კოვიდ 19“-ის დიაგნოზით ორი პაციენტი მკურნალობს.