ამირან ბუთურიშვილი საქართველოს ყველაზე გამორჩეულ მსახიობს კახი კავსაძეს იუბილეს ულოცავს.

„იუბილარი! ვულოცავთ!

ქართული კინოსა და თეატრის, ესტრადის ცოცხალი ლეგენდა კახი კავსაძე იუბილარია.

5 ივნისს გამოჩენილი მსახიობი 85 წლის გახდა.

თავს არ შეგაწყენთ იუბილარის წარდგენით, მას ყველა იცნობს. მისი როლები განუმეორებელია. 1959 წლიდან რუსთაველის სახელობის აკადემიური თეატრის მსახიობია. 70-ზე მეტ მხატვრულ, დოკუმენტურ, მოკლე და სრულმეტრაჟიან ფილმშია გადაღებული.

ბატონი კახი არის საქართველოს სახალხო არტისტი (1981), კოტე მარჯანიშვილის (2009) და შოთა რუსთაველის სახელობის სახელმწიფო პრემიის ლაურეატი (2010). მიღებული აქვს: ქალაქ დუშანბეს საერთაშორისო კინოფესტივალის პრემია (1989), იპოლიტე ხვიჩიას სახელობის პრიზი „იპო“ (2001). 2008 წელს რუსთაველის თეატრის წინ გაიხსნა კახი კავსაძის „ვარსკვლავი“.

რატომღაც თბილისის საპატიო მოქალაქეც მეგონა.“