ჟურნალისტი გია გაბრიჭიძე თბილისის მერთან, კახი კალაძესთან დაკავშირებულ გუშინ მომხდარ ინციდენტს სოციალურ ქსელში იუმორით ეხმიანება:

„ისე რა მოწესრიგებული ხალხია ეს ნაცები. სანამ მაისურს შემოიხევდა, წინასწარ მკერდი გაიპარსა.

აბა იმ რუსის ქალებს ხომ არ დაემგვანებოდა მოსკოვის და ლენინგრადის მეტროში ბანჯგვლიანი ფეხებით რო დატრაშუნობდნენ.“- წერს გაბრიჭიძე.

ვარკეთილში, თბილისის მერ კახა კალაძესა და სამოქალაქო აქტივისტებს შორის დაპირისპირება გუშინ მოხდა. დედაქალაქის მერი ვარკეთილში ახლად რეაბილიტირებული სკვერის გახსნაზე თბილისის საკრებულოს წევრებთან ერთად მივიდა. სკვერში მისულ კახა კალაძეს ადგილზე "ანას ბაღის" დამცველები და მოძრაობა "შეცვალეს" წევრები დახვდნენ.

მათი განცხადებით, დედაქალაქის მერისთვის დიღმის ჭალებთან დაკავშირებით შეკითხვის დასმა სურდათ, თუმცა კალაძემ მათ ხელი დაარტყა. ერთ-ერთი აქტივისტის მტკიცებით, „კალაძემ მაისურიც შემოახია".