NATO-ს გენერალური მდივანი იენს სტოლტენბერგი ათათურქის აეროპორტში მომხდარ ტერაქტს ეხმაურება. მისი თქმით, NATO სოლიდარობას უცხადებს თურქეთს და მზად არის, ერთიანი ძალებით ებრძოლონ ტერორიზმს. აღნიშნულ ინფორმაციას NATO-ს ოფიციალური ვებ-გვერდი აქვეყნებს

„მე მკაცრად ვგმობ საშინელ თავდასხმებს სტამბოლის ათათურქის აეროპორტზე. ჩემი ფიქრები გარდაცვლილთა ოჯახებთან, დაშავებულებთან და თურქეთის მოსახლეობასთანაა. ტერორიზმს გამართლება არ აქვს. NATO-ს ქვეყნები სოლიდარობას უცხადებენ თურქეთს და ერთიანნი არიან გადაწყვეტილებაში, ებრძოლონ ყველა ფორმის ტერორიზმს", -  ნათქვამია იენს სტოლტენბერგის განცხადებაში.