კორონავირუსს კიდევ ერთი ექიმის სიცოცხლე შეეწირა. მედიკოსი რომელიც ახალციხის რეფერალურ ჰოსპიტალში რეანიმატოლოგად მუშაობდა, თბილისის ერთ-ერთ კლინიკაში ცოტა ხნის წინ გარდაიცვალა.

„ძალიან მძიმედ იყო, ასაკოვანი ქალია და კორონავირუსმა დაამძიმა მდგომარეობა,"- აცხადებენ საავადმყოფოში.

ეს მესამე შემთხვევაა, როცა კორონავირუსმა რეგიონში სამედიცინო პერსონალი იმსხვერპლა. თავდაპირველად ახალქალაქის სასწრაფო დახმარების ექიმი გარდაიცვალა, მოგვიანებით კი სასწრაფო დახმარების რეგიონული მენეჯერი.