პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, მამუკა ხაზარაძესა და ზურაბ ჯაფარიძეს პარლამენტში არცერთი კანონპროექტი არ წარმოუდგენიათ, თუმცა ბოიკოტის რეჟიმში ყოფნის პარალელურად ბიუჯეტიდან იღებდნენ ხელფასს.

„სამწუხაროდ, ეს დეპუტატები იქადნოდნენ იმას, რომ პარლამენტში მათი ყოფნის შემთხვევაში ისინი შეძლებდნენ საზოგადოების ინტერესების გატარებას, თუმცა ვერავინ დაასახელებს თუნდაც ერთ საკანონმდებლო პაკეტს, რომელიც წარმოადგინეს ხაზარაზემ ან ჯაფარიძემ. ისინი მუდმივი ბოიკოტის რეჟიმში იყვნენ და ამაში ბიუჯეტიდან იღებდნენ ხელფასს“, - განაცხადა ოხანაშვილმა.