თბილისის მერმა კახა კალაძემ თბილისის რაიონული გამგეობების ხელმძღვანელები წარადგინა.

საბურთალო - გაიოზ ვასაძე;

მთაწმინდა - დავით კირკიტაძე;

კრწანისი - ბექა მიქაუტაძე;

ვაკე - დავით კვინიკაძე;

გლდანი - ლევან ნაროუშვილი;

სამგორი - კახა სამხარაძე;

ჩუღურეთი - დავით უთმელიძე;

დიდუბე - ვლადიმერ ძნელაძე;

ისანი - ნიკოლოზ ელისაშვილი;

ნაძალადევი - ირაკლი ანდღულაძე.

„დარწმუნებული ვარ, ჩვენი ერთობლივი საქმიანობა წარმატებული იქნება და, ჩემთან ერთად, ყველაფერს გააკეთებთ თბილისისა და თბილისელების ინტერესების მსახურებისთვის, რათა, ამ 4 წლის განმავლობაში, ყველა უბანში შევიტანოთ მეტი სიცოცხლე, ერთად ვიამაყოთ ჩვენი ქალაქითა და განხორციელებული პროექტებით“, - აღნიშნა კახა კალაძემ და გამგებლებს წარმატებული საქმიანობა უსურვა.

კახა კალაძე და მისი გუნდი დედაქალაქის საკრებულოს წინაშე ხვალ წარდგებიან. სწორედ საკრებულომ უნდა დაამტკიცოს კანდიდატები.