თბილისის საკრებულოს რიგგარეშე სხდომაზე თბილისის მერის ახალი მოადგილე გიგა ნიკოლეიშვილი დაამტკიცეს.

კენჭისყრის თანახმად, ნიკოლეიშვილმს მხარი 23-მა დეპუტატმა დაუჭირა, 17 წინააღმდეგი წავიდა, ხოლო სამმა თავი შეიკავა.

ცნობისთვის, დღეს თბილისის მერის მეორე მოადგილეს ნატო ქიტიაშვილსაც ეყრება კენჭი. ასევე უნდა განიხილონ თბილისის მერიის ორი სამსახურის ორი ხელმძღვანელის დანიშვნის თაობაზე.

შეგახსენებთ, რომ "ქართულმა ოცნებამ" თბილისის მერის, დავით ნარმანიას ყოფილი მოადგილე, გიორგი ლილუაშვილი ვანსა და ხონში მაჟორიტარობის კანდიდატად წარადგინა.