„მინდა ვისარგებლო შესაძლებლობით და მადლიერება გამოვხატო შალვა პაპუაშვილის მიმართ იმისთვის, რომ ის გახლავთ „მეწარმეთა შესახებ“ ახალი კანონის ერთ-ერთი მთავარი ავტორი. მას პირადად უზარმაზარი შრომა აქვს ჩადებული ამ საქმეში. განსაკუთრებული მადლობა იუსტიციის სამინისტროს იმ თანამშრომლებს, რომელთა წყალობითაც გახდა შესაძლებელი გახდა ამ კანონპროქტზე საუბარი. ასე მინდა ავღნიშნო თეა წულუკიანის პირადი ღვაწლი ამ კანონპროექტის კანონად ქცევაში“, - ამის შესახებ საპარლამენტო უმრავლესობის წევრმა, მიხეილ სარჯველაძემ „ქრონიკაში“ განაცხადა.

„იდეა საკმაოდ დიდი ხნის წინ დაიბადა ჯერ კიდევ იუსტიციის სამინისტროში, როდესაც არა მხოლოდ მოძველდა ეს საკანონმდებლო აქტი, არამედ „ნაციონალური მოძრაობის“ ხელისუფლების პერიოდში შეტანილი ცვლილებების შედეგად პრაქტიკულად გამოიშიგნა. მარეგულირებელი ფუნქცია, რაც უდნა ჰქონოდა ამ საკანონმდებლო აქტს, ანუ რაც ნიშნავს იმას, რომ თუკი სამეწარმეო-საკორპორაციო სფეროში კონფლიქტები შეიქმნებოდა საკანონმდებლო აქტს ცხადი და მკაფიო პასუხები უნდა მოეცა, ამ ფუნქციისგან ის დაცლილი იყო. შესაბამისად, აუცილებელი გახდა, რომ რაღაც ახალი მიგვეღო“, - განაცხადა მიხეილ სარჯველაძემ.