„NATO ღიაა ყველასთვის და უკრაინა ერთ-ერთი ასეთი სახელმწიფოა, რომელსაც ძალიან სურს NATO-ში გაწევრიანება“, - განაცხადა აშშ-ის სახელმწიფო მდივნის მოადგილემ, ვენდი შერმანმა NATO-რუსეთის საბჭოს სხდომის დასრულების შემდეგ გამართულ პრესკონფერენციაზე.

„NATO-ში გაწევრიანების პროცესს თავისი მკაფიო ეტაპები აქვს. ეს არის MAP-ის პროცესი. ამ პროცესს კონკრეტული ეტაპები აქვს. NATO ღიაა ყველასთვის და უკრაინა ერთ-ერთი ასეთი სახელმწიფოა, რომელსაც ძალიან სურს NATO-ში გაწევრიანება. უკრაინა ამ პროცესს გადის. ამას დრო სჭირდება. დიდი სამუშაოა განსახორციელებელი, რათა NATO-ს მაღალი სტანდარტები დაკმაყოფილებული იყოს. იგივე ეხება საქართველოსაც“, - აღნიშნა ვენდი შერმანმა.

ვენდი შერმანის თქმით, თითოეულ ქვეყანას უფლება აქვს, თავად აირჩიოს საკუთარი გზა.

„NATO-რუსეთის საბჭოს დღევანდელ სხდომაზე მე კიდევ ერთხელ დავადასტურე საერთაშორისო სისტემისა და ევროპის უსაფრთხოების ფუნდამენტური პრინციპები: ყველა ქვეყანას სუვერენული უფლება აქვს, თავად აირჩიოს საკუთარი გზა“, - განაცხადა მან.