გიორგი ვოლსკი მიხაილო პოდოლიაკის განცხადებას გამოეხმაურა. ამ თემაზე პარლამენტის ვიცე-სპიკერმა გიორგი ვოლსკიმ „ქრონიკაში“ ისაუბრა.

„რეალობა ასეთია - არავინ არის სრულფასოვანი, განსაკუთრებით პოდოლიაკი, რომელიც თავის თავზე ამბობს, რომ კონიუნქტურიდან გამომდინარე, ფული იქნება თუ სარგებელი, რომელსაც მიიღებს, ადვილად შეცვლის თავის პოზიციას“, - ამბობს ვოლსკი.

უკრაინის პრეზიდენტის ოფისის ხელმძღვანელის მრჩეველმა, მიხაილო პოდოლიაკმა განაცხადა, რომ ბიძინა ივანიშვილი არის რუსი ოლიგარქი, რომელსაც საქართველოს მმართველ გუნდზე გავლენები აქვს.