„არ მგონია ვინმემ შეძლოს სააკაშვილზე პასუხისმგებლობის აღება“, - ასე შეაფასა „ქართული ოცნების“ თავმჯდომარემ, ირაკლი კობახიძემ „ნაციონალური მოძრაობის“ ახალი გეგმა, რომ პატიმარს თავდებში ჩაუდგებიან.

„მასზე როგორც ჩანს ვიღაცებს პასუხისმგებლობა აღებული ჰქონდათ, მაგრამ ტრაილერით მაინც შემოვიდა საქართველოში. ვერავინ აიღებს პასუხისმგებლობას სააკაშვილზე სხვადასხვა მიზეზის, მათ შორის პიროვნული თვისებების გამო“, - განაცხადა ირაკლი კობახიძემ.

მიხეილ სააკაშვილისთვის „ნაციონალურმა მოძრაობამ“ ახალი გეგმა შეიმუშავა. ახლა ამბობენ, რომ პატიმარს თავდებში ჩაუდგებიან და ამ გზით, ცდილობენ სააკაშვილის საზღვარგარეთ გადაყვანას.