„შვედეთის ქალაქ მალმეს სავაჭრო ცენტრში Emporia-ში სროლა იყო“, - ამის შესახებ ინფორმაციას „დოიჩე ველე“ ავრცელებს.

არსებული ინფორმაციით, სროლის შედეგად ორი ადამიანი დაშავდა. დაშავებულები ქალი და მამაკაცი არიან.

წინასწარი ინფორმაციით, თავდამსხმელი კი 15 წლის მოზარდია, რომელიც პოლიციამ უკვე დააკავა.

შემთხვევის ადგილზე მობილიზებულია საპოლიციო ძალები

თავდასხმის მოტივი ამ დროისთვის უცნობია.