„ბრიუსელში ერთ-ერთ ქუჩაზე მდებარე კაფეში ავტომობილი შევარდა“, - ამის შესახებ ინფორმაციას „როიტერი“ ავრცელებს.

გამოცემის ცნობით, შემთხვევის  შედეგად 6 ადამიანი მსუბუქად დაშავდა.

თვითმხილველების განცხადებით, მძღოლი „ალაჰ აქბარს“ {ალაჰი უდიდესია} ყვიროდა, თუმცა, პოლიციაში ამას არ ადასტურებენ.  მძღოლი სწრაფად მოძრაობდა, ის ჯერ ერთ ქუჩაზე არსებული ტერასის კედელს შეეჯახა, შემდეგ კი მეორე ქუჩის კაფეში შევარდა.

ამავე ცნობით, მძღოლს პოლიცია აქტიურად ეძებს.