გერმანიის კანცლერმა, ოლაფ შოლცმა განაცხადა, რომ გერმანია გააგრძელებს უკრაინის მხარდაჭერას მანამ, სანამ ეს საჭირო იქნება.

„ჩვენი ევროპა გაერთიანებულია მშვიდობითა და თავისუფლებით და ღიაა ყველა ევროპელი ერისთვის, ვინც იზიარებს ჩვენს ღირებულებებს“, - აღნიშნა გერმანიის კანცლერმა.

ოლაფ შოლცის თქმით, გერმანიამ ფუნდამენტური ცვლილებები განიცადა უკანასკნელ თვეებში უკრაინის მიმართ სამხედრო მხარდაჭერის საკითხში.

„საიმედოდ გავაგრძელებთ ამ მხარდაჭერას და უპირველეს ყოვლისა, იმდენ ხანს, რამდენიც საჭირო იქნება“, - აღნიშნა ოლაფ შოლცმა.