იტალიის ყოფილმა პრემიერ-მინისტრმა, სილვიო ბერლუსკონიმ განაცხადა, რომ ის რუსეთის პრეზიდენტ ვლადიმერ პუტინს კვლავ დაუკავშირდა, - ამის შესახებ Reuters იტალიური მედიის მიერ გამოქვეყნებულ აუდიოჩანაწერზე დაყრდნობით იუწყება.

„პუტინს ცოტა ხნის წინ დავუკავშირდი. დაბადების დღეზე მან 20 ბოთლი არაყი გამომიგზავნა. მე მას ვუპასუხე რამდენიმე ბოთლი ლამბრუსკოთი“, - განაცხადა ბერლუსკონიმ, რომლის დაბადების დღეც 29 სექტემბერს იყო.

მისივე თქმით, ის უკიდურესად შეშფოთებულია უკრაინაში შექმნილი სიტუაციით, მაგრამ ვერ გამოთქვამს თავის ნამდვილ აზრს, რადგან „თუ ეს პრესაში მოხვდება, კატასტროფა იქნება“.