“სუს-ის ანგარიში არის საკმაოდ ყოვლისმომცველი. მასში ასახულია ყველა ის საფრთხე და გამოწვევა, რომლის წინაშეც ჩვენი ქვეყანა დგას და ასევე ის ნაბიჯები, რასაც უსაფრთხოების სამსახური ამ საფრთხეების გასანეიტრალებლად და პრევენციისთვის საანგარიშო პერიოდში ახორციელებდა”, - ამის შესახებ თავდაცვისა და უშიშროების კომიტეტის თავმჯდომარემ ირაკლი ბერაიამ განაცხადა.

„დღევანდელი მოსმენა იქნება კიდევ ერთი კარგი შესაძლებლობა, რომ კანონმდებლები თავად დარწმუნდნენ სამსახურის ეფექტიანობაში“, - აღნიშნა მან.

პარლამენტში დღეს სახელმწიფო უსაფრთხოების სამსახურის 2022 წლის საქმიანობის ანგარიშს მოუსმენენ.