8 მარტის დღესასწაულისთვის, სსიპ ვეტერანების საქმეთა სახელმწიფო სამსახური აცხადებს საბავშვო ნახატების კონკურსს, რომელშიც მონაწილეობას საქართველოს ომისა და სამხედრო ძალების ვეტერანთა შვილები და შვილიშვილები შეძლებენ.

გამარჯვებულების ნახატებისგან დამზადდება სადღესასწაულო მისალოცი ბარათები, რომლებიც 8 მარტს ქალბატონ ვეტერანებს დაურიგდებათ.

კონკურსის მიზანია, საზოგადოებას გააცნოს ვეტერანთა შვილების ნამუშევრები და ხელი შეუწყოს შემოქმედი ახალგაზრდების ნიჭის განვითარებას.

კონკურსის პირობები:

საკონკურსოდ კონკურსანტისგან მიიღება ნახატები (ფერწერა,გრაფიკა) , რომლებიც სსიპ ვეტერანების საქმეთა სახელმწიფო სამსახურის „ფეისბუქის" ოფიციალურ გვერდზე უნდა აიტვირთოს. ნახატების მიღება 7 თებერვლამდე გაგრძელდება. კონკურსში იქნება სამი საპრიზო ადგილი. გამარჯვებულებს გამოავლენს ჟიური, რომლის შემადგენლობაშიც ხელოვანი ვეტერანები და ვეტერანების საქმეთა სახელმწიფო სამსახურის წარმომადგენლები იქნებიან.

გამარჯვებულებს სპეციალური პრიზები გადაეცემათ.

I ადგილი - პლანშეტი

II ადგილი - ელექტრონული წიგნი (ქინდლი)

III ადგილი - სახატავი აქსესუარები

კონკურსში მონაწილეობის მიღება შეუძლიათ 12 წლამდე ასაკის ბავშვებს.

8 მარტს კონკურსში მონაწილე ყველა პატარა მხატვრის ნამუშევრების გამოფენა გაიმართება, სადაც გამარჯვებულების დაჯილდოების ცერემონია გაიმართება.

საკონკურსო ნაშრომები მიიღება სამსახურის ოფიციალური „ფეისბუქის" გვერდის მეშვეობით.

საკონკურსო ნაშრომს თან დართული უნდა ჰქონდეს შემდეგი ინფორმაცია: კონკურსანტის დაბადების მოწმობა, ვეტერანი ოჯახის წევრის ვეტერანობის დამადასტურებელი მოწმობა, ტელეფონის ნომერი (მობილური და სახლის).