საქართველოს სამხედრო-საზღვაო ძალების პირველ სარდალს, კონტრ-ადმირალ ალექსანდრე ჯავახიშვილს დაბადების დღე ვეტერანების საქმეთა სახელმწიფო სამსახურის დირექტორმა ვლადიმერ იმნაძემ და სამსახურის ადმინისტრაციული დეპარტამენტის უფროსმა სიმონ კობეშავიძემ მიულოცეს.

კონტრ-ადმირალს 18 თებერვალს 85 წელი შეუსრულდა. ალექსანდრე ჯავახიშვილი საბჭოთა კავშირის დროს გახლდათ ატომური სტრატეგიული წყალქვეშა ნავის პირველი მეთაური, რომელმაც 1972 წელს საბჭოთა წყალქვეშა ხომალდით, ბალისტიკური-სარაკეტო წყალქვეშა ატომური კრეისერით დედამიწას გარს შემოუარა.