სულხან მოლაშვილის მამამ, თამაზ მოლაშვილმა „tvპირველის" ეთერში განაცხადა, რომ იმ მოსამართლეების უვადოდ დანიშვნა, ვინც თუნდაც მისი შვილის მიმართ მიიღო გადაწყვეტილება, არაკანონიერია.

„კაციშვილს მაგათთვის პასუხი არ მოუთხოვია. თუ არასწორად მოიქცნენ, ან ბოდიში მოიხადონ, ან გადადგნენ. მოსამართლეებად ხომ არ დაიბადნენ?! ადამიანი ხშირად იცვლის ხოლმე პროფესიას... სადმე რომ შემხვდეს ის მოსამართლეები, რომლებიც ასე არაადამიანურად მოექცნენ ჩემ შვილს, თუ რამე ხელში მექნება, ხო ვესვრი და შევაფრუთხებ. მაპატიეთ, მაგრამ სხვა რაფერი მემეტება მათთვის. არ შმეიძლია მაგათი ატანა", - განაცხადა მოლაშვილმა.