„შრომითი უსაფრთხოების დარღვევაზე 600-მდე შემთხვევა იყო სასამართლოში და პირობითი სასჯელებია ძირითადად",- ამის შესახებ საპარლამენტო უმრავლესობის წევრმა ლევან კობერიძემ „დიანა ტრაპაიძის დღის ამბებში" ტყიბულის მაღაროში 4 მუშის დაღუპვაზე საუბრისას განაცხადა.

„შრომითი უსაფრთხოების დარღვევაზე 600-მდე შემთხვევა იყო სასამართლოში და პირობითი სასჯელებია ძირითადად. თუმცა ვიტყვი ერთს, რომ კანონმდებლობის გამკაცრების შემთხვევაში მე ვფიქრობ, რომ ეს ის სფეროა, რომ კონპენსაციაც უნდა დაავალდებულო და შესაბამისად უფრო მკაცრი უნდა იყოს დასჯა იმ ადამიანების, თუ იმ რგოლის რომელმაც შეცდომა დაუშვა, წინააღმდეგ შემთხვევაში პრევენციული ვერ იქნება ეს კანონი და ცოტათი შეიძლება ვთქვათ, რომ მისი ეფექტიანობა იქნება უფრო ნაკლები", - განაცხადა კობერიძემ.