„მოვიდა დრო ვთქვათ - კმარა!" - ამის შესახებ დიდი ბრიტანეთის პრემიერ მინისტრმა ტერეზა მეიმ მთავრობის საგანგებო კომიტეტის, COBRA-ს, სხდომის დასრულების შემდეგ დაუნინგ სტრიტზე სიტყვით გამოსვლისას განაცხადა.

ბრიტანეთის მთავრობის მეთაურის თქმით, კონტრტერორისტული სტრატეგია გადასინჯვას საჭიროებს. მისი განცხადებით, ხელისუფლება ყველა ზომას მიიღებს ისლამისტებისთვის წინააღმდეგობის გასაწევად და ითანამშრომლებს სხვა წამყვან ქვეყნებთან, რათა ინტერნეტი აღარ იყოს „უსაფრთხო სივრცე" ექსტრემისტებისთვის.

ტერეზა მეის თქმით, ისლამური ექსტრემიზმის ბოროტი იდეოლოგია ერთხელ და სამუდამოდ უნდა დამარცხდეს. პრემიერ მინისტრმა დიდ ბრიტანეთში მომხდარ სხვა ტერორისტულ თავდასხმებზეც ისაუბრა. მისი განცხადებით, მარტიდან 5 თავდასხმა მოხდა, რაც იმის მანიშნებელია, რომ ტერორიზმი ტერორიზმს ბადებს.

პრემიერმა 8 ივნისს გასამართ არჩევნებზეც ისაუბრა და აღნიშნა, რომ არჩევნების თარიღი, მომხდარის მიუხედავად, უცვლელი დარჩება. ეს გადაწყვეტილება პრემიერ მინისტრმა ლონდონის მერთან და მინისტრთა კაბინეტის წევრებთან შეხვედრის შემდეგ მიიღო.

წყარო :