სახელმწიფო უსაფრთხოების სამსახურის ინფორმაციით, საოკუპაციო ძალების მიერ ე.წ. საზღვრის კვეთის ბრალდებით უკანონოდ დაკავებული აშშ-ისა და ბრიტანეთის მოქალაქეები გათავისუფლდნენ. ამის შესახებ პირველ არხს სუს-ის პრესსამსახურში განუცხადეს. 

„ცხელი ხაზით შემოსული ინფორმაციით, საოკუპაციო ძალების წარმომადგენლებმა ე.წ. საზღვრის კვეთის ბრალდებით ამერიკის შეერთებული შტატების და გაერთიანებული სამეფოს მოქალაქე დააკავეს. სახელმწიფო უსაფრთხოების სამსახურისა და ევროკავშირის სადამკვირვებლო მისიის აქტიური ჩართულობით, უკანონოდ დაკავებული პირები გათავისუფლდნენ", - განაცხადეს სუს-ში.