BBC-ის ინფორმაციით, სომალის დედაქალაქ მოგადიშოში, თვითმკვლელმა ტერორისტმა ავტომობილში ჩამაგრებული ასაფეთქებელი მოწყობილობა მოქმედებაში მოიყვანა და პრეზიდენტის სასახლის მახლობლად ააფეთქა.

„ალ-არაბიას" ცნობით, ორი აფეთქება მოხდა. ერთი სასტუმრო „მოგადიშოსთან" და მეორე - პრეზიდენტის სასახლესთან.

დაშავებულების შესახებ ინფორმაცია ჯერჯერობით არ ვრცელდება.

აფეთქება მოგადიშოში 14 ოქტომბერსაც მოხდა. ბოლო ინფორმაციით, მაშინ 350-მდე ადამიანი დაიღუპა. ტერაქტზე პასუხისმგებლობა არცერთ დაჯგუფებას არ აუღია. სომალიში ბოლო დროს მომხდარი ტერაქტებიდან უმეტესობა ტერორისტული დაჯგუფება „აშ-შაბაბის" მიერ არის ორგანიზებული, რომელიც „ალ-ქაიდას" ერთ-ერთი დანაყოფია.