ასოციაცია „კულტურათა დიალოგი XXI"-ს (www.diacult.ge) ერთ-ერთი პრიორიტეტია კულტურულ-საგანმანათლებლო საქმიანობის ხელშეწყობა და განვითარება. ამ მიზნით ასოციაციამ გასული წლის ნოემბრიდან დაიწყო ტრეინინგული ხასიათის მრავალპლანიანი  ლექცია-სემინარების სერია, რომელმაც დიდი ინტერესი გამოიწვია. სალექციო კურსები 2018 წელსაც გაგრძელდება და იქნება ფართო სპექტრის მომცველი. ლექცია-დისკუსიებს წარუძღვებიან ღვაწლმოსილი მოღვაწეები, ცნობილი მეცნიერები, ლიტერატურისა და ხელოვნების ცნობილი მოღვაწეები, წარმატებული სპეციალისტები.

წლევანდელი პირველი შეხვედრა მიეძღვნება გალაკტიონის იუბილეს, რომელიც 2017 წლის 16 ნოემბერს ლონდონში აღინიშნა და მას წარუძღვება  ცნობილი ქართველი მეცნიერი და მთარგმნელი, საქართველოს ბაირონის საზოგადოების პრეზიდენტი, პროფესორი ინესა მერაბიშვილი. შეხვედრა გაიმართება შაბათს, 27 იანვარს 17 საათზე, „წიგნის სახლში ბახტრიონზე" (მისამართი: ბახტრიონის ქ. 11ბ).

ლექცია-სემინარების კურსის გამართვაში ასოციაცია „კულტურათა დიალოგი XXI"-ს პარტნიორები არიან: ბადიაურის აგროსამრეწველო სავაჭრო კომპლექსი, კაფე-გალერეა „წიგნის სახლი ბახტრიონზე", რესტორანი „თბილისის მუხამბაზი", საინფორმაციო მხარდამჭერები: საქართველოს საზოგადოებრივი მაუწყებელი, „TV პირველი",  მედია ჰოლდინგი „რეპორტიორი", გაზეთი „საქართველოს რესპუბლიკა".

დამატებითი ინფორმაციის გაცნობა შესაძლებელია ასოციაცია „კულტურათა დიალოგი XXI"-ს ოფიციალურ ვებ-გვერდზე: www.diacult.ge