„საქართველომ ბიზნესის წარმოების მიმართულებით საუკეთესო შედეგი აჩვენა განვითარებად ქვეყნებს შორის. და, რა თქმა უნდა, მრავალი განვითარებული ეკონომიკაც ჩამოიტოვა“, - ამის შესახებ საერთაშორისო საფინანსო კორპორაციის წარმომადგენელმა საქართველოში იან ვან ბილსენმა ტელეკომპანია „იმედთან“ ინტერვიუში ისაუბრა.

„საქართველომ ბიზნესის წარმოების მიმართულებით საუკეთესო შედეგი აჩვენა განვითარებად ქვეყნებს შორის. და, რა თქმა უნდა, მრავალი განვითარებული ეკონომიკაც ჩამოიტოვა, ეს არის ქვეყანა, რომელიც რეფორმებს ძალიან კარგად ახორციელებს და ეს არის ის, რასაც ინვესტორები ნამდვილად მიესალმებიან.

ქვეყნის პროგრესს ხედავენ საერთაშორისო საფინანსო კორპორაციაში, ევროპის რეკონსტრუქციისა და განვითარების ბანკში, ამერიკის სავაჭრო პალატაში“, - განაცხადა საერთაშორისო საფინანსო კორპორაციის წარმომადგენელმა საქართველოში იან ვან ბილსენმა.