კინორეჟისორი გოგა ხაინდრავა „პრიორიტეტთან" მისი მიერ მომზადებული ფილმის, „9+1"-ის შესახებ საუბრობს.

როგორც ხაინდრავა აღნიშნავს საზოგადოება ბევრ ნაცნობ სიტუაციასტან ერთად იმ შიდა სამზარეულოსაც იხილავს, რაც „ნაციონალური მოძრაობის" ხელისუფლებაში ყოფნის დროს კულუარებში ხდებოდა.

„წინა ხელისუფლების პოზიტიური წინსვლა მაგალითად 12 აგვისტოს ვნახეთ ჩვენ, როდესაც მთელმა საქართველომ ომში გამარჯვება იზეიმა.

100 000 კაცი დგა რუსთავლზე და ომში გამარჯვებას ზეიმობდა. ზეიმობდა 150 სოფლის დაკარგვას, 80 000 ახალი ლტოლვილის გაჩენას, საქართველოს 25% ტერიტორიის დაკარგვას, იყო დიდი დროშების ფრიალი და აღფრთოვანებული შეძახილები -მიშა! მიშა!

ფილმი გაახსენებს ხალხს ამ ყველაფერს, გაახსენებს ნულოვან ტოლერანტობას, ასეთი კადრებიც არის. მაგრამ, ძირითადად ვაჩვენებთ მაინც იმ სამზარეულოს, რაც არ უნახავთ. იმ გარყვნილებას, რომლის შესახებაც ძალიან ბევრი აქვს გაგონილი საზოგადოებას."- განაცხადა ხაინდრავამ.