მიმდინარე წლის ოქტომბერში დუშეთის, თიანეთის და ყაზბეგის მაჟორიტარულ ოლქში პარლამენტის შუალედური არჩევნები გაიმართება.

შუალედური არჩევნების გამართვას „ქართული ოცნების“ დეპუტატის ზაქარია ქუცნაშვილის გადაწყვეტილება იწვევს, რომელიც პარლამენტის მანდატს ტოვებს და საკანონმდებლო ორგანოს უფლებამოსილების შეწყვეტის თხოვნით მიმართავს.

თბილისში მართლმადიდებლობის საპარლამენტთაშორისო ასამბლეის სესიის გამართვით გამოწვეული მოვლენების გამო, ირაკლი კობახიძემ პარლამენტის თავმჯდომარის თანამდებობა დატოვა, ხოლო ზაქარია ქუცნაშვილმა პარლამენტიდან წასვლის გადაწყვეტილება მიიღო.

ქუცნაშვილი დუშეთის, თიანეთის და ყაზბეგის მაჟორიტარი დეპუტატია.