ადევნების, სექსუალური ხასიათის სხვაგვარი ქმედებისა და გარყვნილი ქმედების მუხლებით 2018 წლიდან 2019 წლის მაისის თვის ჩათვლით, სასამართლომ სულ 60 საქმე განიხილა, მათგან 34 საქმე 2018 წელს, ხოლო 26 – 2019 წლის 5 თვის განმავლობაში. ჯამში, თავისუფლების აღკვეთა 39 პირს შეეფარდა. აღნიშნული ინფორმაცია „ინტერპრესნიუსმა“ უზენაესი სასამართლოდან გამოითხოვა.

უზენაესი სასამართლოს მონაცემებით, 2018 წელს 151¹ მუხლით, რომელიც ადევნებას, პირის უკანონო თვალთვალსა ან არასასურველი კომუნიკაციის დამყარებას გულისხმობს, სასამართლომ 13 საქმე განიხილა, რომელშიც ბრალდებული 13 პირი იყო. მათგან თავისუფლების აღკვეთა 6 პირს შეეფარდა, პირობითი მსჯავრი 6 პირს დაედო, ხოლო საზოგადოებისთვის სასარგებლო შრომა 1 პირს დაეკისრა. 2019 წლის პირველი 5 თვის განმავლობაში იმავე მუხლით 14 საქმე აღიძრა, რომელშიც 14 პირი იყო ბრალდებული. მათგან 4-ს თავისუფლების აღკვეთა შეეფარდა, 7 პირს - პირობითი მსჯავრი დაედო, 3 პირს კი ჯარიმა დაეკისრა.

2019 წელს 111-151¹ მუხლით (იგივე დანაშაული, რომელიც ოჯახში იქნა ჩადენილი) სასამართლომ 5 საქმე განიხილა, რომელშიც 5 პირი იყო ბრალდებული. თავისუფლების აღკვეთა 4 პირს შეეფარდა, ერთს კი პირობითი მსჯავრი დაედო. 2019 წლის მაისის ჩათვლით იმავე მუხლით 2 საქმე იყო განხილული, იყო 2 ბრალდებული, მათგან 1 პირს თავისუფლების აღკვეთა მიესაჯა, ერთს კი დაედო პირობითი მსჯავრი.

2019 წელს 138-ე მუხლით (სექსუალური ხასიათის სხვაგვარი ქმედება, ჩადენილი ძალადობით, მუქარით ან დაზარალებულის უმწეობის გამოყენებით) სასამართლომ 6 საქმე განიხილა, რომელშიც ბრალდებული 7 პირი იყო. მათგან თავისუფლების აღკვეთა 6-ს შეეფარდა, ხოლო 1 პირი გამართლდა. იმავე მუხლით 2019 წლის პირველი 5 თვის განმავლობაში განაჩენი 2 საქმეზე იქნა გამოტანილი, რაშიც 2 პირი იყო ბრალდებული და ორივე მათგანს თავისუფლების აღკვეთა შეეფარდა.

2019 წელს 11¹-138¹ მუხლით (ოჯახში ჩადენილი იგივე დანაშაული) სასამართლოს არც ერთი საქმე არ განუხილავს, 2019 წელს კი, მაისის თვის ჩათვლით განაჩენი 1 საქმეზე იქნა გამოტანილი და ბრალდებული 1 ადამიანი გამართლდა.

2019 წელს 141-ე მუხლით (გარყვნილი ქმედება, ძალადობის გარეშე სრულწლოვნის გარყვნილი ქმედება დამნაშავისათვის წინასწარი შეცნობით თექვსმეტი წლის ასაკს მიუღწეველთან) სასამართლომ 9 საქმე განიხილა. ბრალდებული 9 პირიდან თავისუფლების აღკვეთა 8 პირს შეეფარდა, ხოლო 1 გამართლდა. 2019 წლის პირველი 5 თვის განმავლობაში იმავე მუხლით სასამართლომ 7 საქმე განიხილა 8 ბრალდებულთან დაკავშირებით, მათგან თავისუფლების აღკვეთა 7 პირს მიუსაჯა, ხოლო 1 გაამართლა.

2019 წელს 11¹-141 მუხლით, ე.ი. იმავე დანაშაულზე, რომელიც ოჯახში იქნა ჩადენილი, 1 საქმე იქნა განხილული, ბრალდებული 1 პირი იყო, რომელსაც თავისუფლების აღკვეთა მიესაჯა. ამ მუხლით საქმე 2019 წელს არ განხილულა.

წყარო :