„რაც მეტს ილაპარაკებთ, მეტ სისულელეს იტყვით“, - ასე მიმართა საპროცედურო საკითხთა და იურიდიულ საკითხთა კომიტეტების გაერთიანებულ სხდომაზე, საპროცედურო საკითხთა კომიტეტის თავმჯდომარე გიორგი კახიანმა „ნაციონალური მოძრაობის“ წევრს, თინა ბოკუჩავას.

თინა ბოკუჩავა კომიტეტის სხდომაზე განცხადებას აკეთებდა ნიკა მელიას შესახებ, რა დროსაც კახიანსა და მას შორის სიტყვიერი დაპირისპირება მოხდა.

„მტკიცებულებების გარეშე იჭერთ ადამიანს. ეს დანაშაულია“,- აღნიშნა ბოკუჩავამ.

კომიტეტების გაერთიანებული სხდომა, სადაც ნიკა მელიასთვის პატიმრობის საკითხზე პროკურატურას ნებართვა უნდა მისცენ, ხმაურის ფონზე მიმდინარეობს.