პარლამენტის ბიუროს სხდომაზე პარლამენტის თავმჯდომარე დავით უსუფაშვილმა განაცხადა, რომ პარლამენტში რიგგარეშე სხდომები 3-4 ივნისს გაიმართება.

მისივე თქმით, სხვადასხვა საკითხებთან ერთად რიგგარეშე სხდომაზე „საკონსტიტუციო სასამართლოს შესახებ" კანონთან დაკავშირებით, პრეზიდენტის მოტივირებული შენიშვნები უნდა განიხილონ.

„პრეზიდენტის შენიშვნები გადაეცეს ადამიანის უფლებათა დაცვის კომიტეტს და დაევალოს მას, მოამზადოს რიგგარეშე სხდომაზე განსახილველად, ანუ ჩაატაროს სხდომა და განიხილოს შენიშვნები. საკითხის არსს რაც შეეხება, კომიტეტის და პლენარულ სხდომაზე ყველას შეუძლია აზრის გამოთქმა. პროექტთან დაკავშირებით იყო ცხელი კამათი, ახლა ვნახავთ, პრეზიდენტის შენიშვნების ირგვლივ როგორ წავა დავა", - განაცხადა დავით უსუფაშვილმა.