სასტუმრო „გრაკო მეტეხი", რომელიც თბილისში, მეტეხის აღმართზე მდებარეობს, ტურისტულ სეზონზე დამსვენებელთა დიდი რაოდენობას ელოდება. სასტუმრო ამ დროისათვისაც უკვე თითქმის სასვსეა.

საუბრისას სასტუმროს დირექტორი ნათია ელგენდარაშვილი აცხადებს, რომ  ზაფხულის სეზონი ძალიან კარგად დაიწყო, თუმცა აღნიშნავს, რომ  სასტუმროში ზამთარშიც ბევრი დამსვენებელი იყო.

„დატვირთვა საკმაოდ მაღალია, ადგილები არ გვყოფნის და სხვა სასტუმროსთან ვთანამშრომლობთ, რომ გადავანაწილოთ ჯგუფები. სიახლეც გვაქვს დამსვენებლებისათვის, კერძოდ, ვხსნით ბარ-ტერასას  მეოთხე სართულზე, სადაც დამსვენებლებს შევთავაზებთ უცხო გარემოს, ძალიან ლამაზი ხედით. გვაქვს ღვინის, ქართული ყველის და ნუგბარის დეგუსტაციის საღამოები. თითქმის ყველა ჯგუფს ასე ვხვდებით - ვხვდებით ჭაჭით, ღვინით, დეგუსტაციის საღამოებს ვაწყობთ. დღეს მივიღეთ ივლისის თვის ჯავშანი",- განაცხადა ნათია ელგენდარაშვილმა.

მისივე თქმით, არის პერიოდები, როცა სასტუმროში სომეხი და აზერბაიჯანელი დამსვენებლები ჭარბობენ, მაგრამ ამ მომენტისათვის ბევრი რუსი დამსვენებელია სასტუმროში. ასევე, არინან ტურისტები  ბრიტანეთიდან, უკრაინადან და გერმანიიდან

„ველოდებით საკმაოდ კარგ აქტივობას მთელი ზაფხულის განამვლობაში, რადგან მთელი ზაფხულის განმავლობაში არის დაჯავშნილი ოთახები", - აღნიშნა ნათია ელგენდარაშვილმა.