შინაგან საქმეთა სამინისტროს განსაკუთრებულ დავალებათა დირექტორს გიორგი ყაყიჩაშვილს დროებით შეუჩერდა უფლებამოსილება. ამის შესახებ განცხადებას შსს ავრცელებს.

„20-21 ივნისს, რუსთაველის გამზირზე განვითარებული მოვლენების შესახებ მიმდინარე გამოძიების დასრულებამდე შინაგან საქმეთა სამინისტროს განსაკუთრებულ დავალებათა დეპარტამენტის დირექტორს, გიორგი ყაყიჩაშვილს დროებით შეუჩერდა უფლებამოსილება.

შინაგან საქმეთა სამინისტროს განსაკუთრებულ დავალებათა დეპარტამენტის დირექტორი გიორგი ყაყიჩაშვილი დაკავებული თანამდებობიდან არ გათავისუფლებულა“, - ნათქვამია შსს-ს განცხადებაში.