უმრავლესობის წევრმა გიგა ბუკიამ გადაცემა „ბარიერში" კორცხელში მომხდარ დაპირისპირებაზე ისაუბრა და განაცხადა, რომ შს სამინისტრომ აღნიშნული ინციდენტი ძირფესვიანად უნდა გამოიძიოს.

ბუკიას თქმით, გარკვეულ პოლიტიკურ ფიგურებს შესაძლოა ფიზიკური დაპირისპირება აწყობთ კიდეც, პროვოკაციებს გეგმავენ და შემდეგ „გალახული სახეებით პოლიტიკურ ქულებს იწერენ."

„დასისხლიანებული თავპირით სულ ბოკერია ჩნდება, დიდოსტატია ამის"- განაცხადა ბუკიამ.

შს სამინისტრომ კორცხელში მომხდარ ინციდენტში მონაწილე 6 პირს ბრალი უკვე წარუდგინა.