ყოფილმა პრემიერ-მინისტრმა ბიძინა ივანიშვილმა „საზოგადოებრივ მაუწყებელში" სტუმრობის შემდეგ განაცხადა, რომ მზად არის, „რუსთავი2"-ის ჟურნალისტებს შეხვდეს.

„მე მზად ვარ, შევხვდე კრიტიკულად განწყობილ ჟურნალისტებს, „რუსთავი2"-ს და ასევე „ტაბულას", - განაცხადა ბიძინა ივანიშვილმა.

მისი თქმით, თუ ამ ტელეკომპანიების მხრიდან იქნება შესაბამისი სურვილი, იგი მივა „რუსთავი2"-შიც, მხოლოდ იმ პირობით, რომ მის ბოლო წერილში დასმულ საკითხებზე საუბრის საშუალება მიეცემა, ამის შემდეგ კი მზად არის, მათ კრიტიკულ შეკითხვებს უპასუხოს.