საფეხბურთო კლუბ ხობის „კოლხეთის“ მთავარ მწვრთნელად პაატა ბუკია დაინიშნა. ხობის მუნიციპალიტეტის მერი გოჩა ქაჯაია და მერის მოადგილე მახარე ჩოკორაია ახალდანიშნულ მწვრთნელს შეხვდნენ, თანადგომა გამოუცხადეს და წარმატებები უსურვეს მას.

შეხვედრაზე მუნიციპალიტეტის ხელმძღვანელმა პირებმა და გუნდის მთავარმა მწვრთნელმა „კოლხეთის“ სამომავლო გეგმებზე ისაუბრეს.

პაატა ბუკია დაიბადა 1993 წლის 18 თებერვალს, ქალაქ ხობში. 2015 წლიდან ხობის „კოლხეთის“ ბავშვთა საფეხბურთო სკოლაში, ხოლო შემდგომ, საფეხბურთო სკოლა „მთვარის გლობუსის“ მწვრთნელად მუშაობდა.

პაატა ბუკიამ ლიცენზიის მაძიებელთა კურსი უეფა-ს მწვრთნელთა განათლების კონვენციის სრული შესაბამისობით გაიარა და მინიჭებული აქვს უეფა-ს მწვრთნელთა განათლების B ლიცენზია.