უკრაინის ცესკო-ს ბოლო მონაცემებით, მეცხრე მოწვევის რადაში ხუთი პარტია მოხვდება. დათვლილია ბიულეტენების 96%-ზე მეტი. ამ დროისთვის ვლადიმირ ზელენსკის პარტია „ხალხის მსახურს“ 43,12% აქვს. „ოპოზიციურ პლატფორმას სიცოცხლისთვის“ – 13,05%. მესამე ადგილზეა პარტია „ბატკივშინა“ – 8,17%-ით, მას მოსდევს „ევროპული სოლიდარობა“ – 8,12%-ით, ხოლო პარტია „ხმას“ 5,84% აქვს.

როგორც პარტია „ხალხის მსახურში“ აცხადებენ, იმ შემთხვევაში, თუ უკრაინის პრეზიდენტის პარტია ახალ რადაში 426-ზე მეტ დეპუტატს შეიყვანს, მაშინ მას კანონით კოალიციის ფორმირება აეკრძალება. შესაბამისად ის დამოუკიდებლად ჩამოაყალიბებს მინისტრთა კაბინეტს.

უკრაინაში ვადამდელი საპარლამენტო არჩევნები 21 ივლისს გაიმართა. მეცხრე მოწვევის რადა პირველ სხდომას აგვისტოს ბოლოს გამართავს.

წყარო :