გურჯაანის მუნიციპალიტეტში ხანძარია. სოფელ ვეჯინში ცეცხლი ორსართულიან სახლს გაუჩნდა.

წინასწარი ინფორმაციით, განადგურებულია მეორე სართულზე საოჯახო ავეჯი და ტექნიკა.

ადგილზე მობილიზებულია თელავის და გურჯაანის საგანგებო სიტუაციების მართვის სამსახურის სახანძრო-სამაშველო ეკიპაჟები.

უწყების ინფორმაციით, ცეცხლი ლოკალიზებულია და მიმდინარეობს სალიკვიდაციო სამუშაოები. ხანძრის შედეგად არავინ დაშავებულა.

ერთ-ერთი ვერსიით, ცეცხლი ელექტროსადენებიდან გაჩნდა.