საბურთალოს რაიონის საზოგადოებრივი საბჭოს თავმჯდომარე მანჩო გიორგობიანმა „რეპორტიორის" პრესკლუბში გამართულ ბრიფინგზე  პავლე გოცირიძის საქმესთან დაკავშირებით ისაუბრა. პავლე გოცირიძეს ბრალი წაყენებული ჰქონდა ნარკოტიკების მოხმარებისთვის. გიორგობიანის განცხადებით, მოსამართლე ლილი სხილაძემ გაამართლა პავლე გოცირიძე.

„პავლე გოცირიძე გაამართლეს. ჩვენი სასამართლო ლილი სხილაძის სახით, ყოფილა ყველაზე ჰუმანური სასამართლო მსოფლიოში, რასაც ვერ ვიტყვი პროკურატურაზე. პროკურორმა ვასილ მხეიძემ პავლე გოცირიძე გაიმეტა ციხისთვის. არ შეიძლება ახალგაზრდა ბიჭს არაადამიანურად მოექცე",- განაცხადა გიორგობიანმა.