პარტია „ქართულმა ოცნებამ“ საკანონმდებლო ორგანოს პრემიერ-მინისტრის თანამდებობაზე გიორგი გახარიას კანდიდატურა წარუდგინა. თავის მხრივ, პრემიერ-მინისტრობის კანდიდატმა, გიორგი გახარიამ პარლამენტს მინისტრთა კაბინეტის ახალი წევრები წარუდგინა.

სამთავრობო ცვლილებებთან დაკავშირებით ბიუროს დღევანდელ სხდომაზე იმსჯელებენ.

„ქართულმა ოცნებამ“ პრემიერ-მინისტრობის კანდიდატად გიორგი გახარია დაასახელა. გიორგი გახარიამ შს მინისტრად ვახტანგ გომელაურის, ხოლო თავდაცვის მინისტრად ირაკლი ღარიბაშვილის კანდიდატურები წარადგინა.

ამასთან, საქართველოს მთავრობის განახლებულ შემადგენლობას პარლამენტის მხრიდან ნდობის გამოცხადება დასჭირდება. კონსტიტუციის გათვალისწინებით, პარლამენტი მთავრობის უფლებამოსილების მოხსნიდან, პრემიერ-მინისტრის გადადგომიდან ან უფლებამოსილების სხვაგვარად შეწყვეტიდან ორი კვირის ვადაში, ნდობას უცხადებს პარლამენტის არჩევნებში საუკეთესო შედეგის მქონე პარტიის მიერ დასახელებულ პრემიერ-მინისტრობის კანდიდატსა და მის მიერ წარდგენილ მთავრობას.