საქართველოს პრეზიდენტი გიორგი მარგველაშვილი მსახიობ კახი კავსაძეს დაბადების დღეს ულოცავს.  

„ბატონო კახი, გულითადად გილოცავთ დაბადების დღეს.

თქვენს მიერ განუმეორებელი ხელწერით და უმაღლესი კლასის პროფესიონალიზმით შექმნილი თეატრალური და კინოროლები ჩვენი კულტურული საგანძურის ფასდაუდებელი შენაძენია. თქვენი პიროვნული ღირსებებით და ცხოვრების წესით სახალხო სიყვარული და აღიარება მოიპოვეთ.

დღეგრძელობას, მხნეობას და კვლავ მრავალ შემოქმედებით წარმატებას გისურვებთ.

პატივისცემით", - აღნიშნულია პრეზიდენტის მილოცვაში.

ქართული კინოსა და თეატრის მსახიობი კახი კავსაძე 1935 წლის 5 ივნისს დაიბადა