„ქალბატონო ირმა, მესმის, რომ კანონი გაძლევთ უფლებას, დატოვოთ წყარო საიდუმლოდ, მაგრამ თქვენ, როგორც საზოგადოების წევრს, პასუხისმგებლობის გრძნობა არ გაქვთ?!“ - ამის შესახებ იურისტი თამთა მეგრელიშვილი სოციალურ ქსელში წერს.

„ევროპული საქართველოს“ წევრმა ირმა ნადირაშვილმა გენერალური პროკურატურიდან გამოსვლის შემდეგ სიამაყით განაცხადა, რომ არ გაასაჯაროვა ინფორმაცია, რომელიც მან იცის, რადგან სწორედ ამ „პირობის“ შესრულების პირობით მიიღო აღნიშნული. ასევე, საუბრობს სქემაზე, რომლითაც ხდება ქვეყანაში „სამართლიანობის“ „უსამართლოდ“ გამოყენება. ქალბატონო ირმა, თქვენი სტატუსიდან გამომდინარე, მესმის, რომ კანონი გაძლევთ უფლებას, დატოვოთ წყარო საიდუმლოდ, მაგრამ თქვენ, როგორც საზოგადოების წევრს, პასუხისმგებლობის გრძნობა არ გაქვთ?! გვესმის, რომ შეწყალება არ არის სამართლის აღდგენა! ეს არის მექანიზმი, რომელსაც ნებისმიერ დემოკრატიულ სახელმწიფოში იყენებენ და აღმოჩნდა, რომ თქვენ ამ პროცესში არსებული უკანონობის შესახებ ინფორმაციას ფლობთ და ამაზე საუბრობთ, თუმცა, კონკრეტულ პიროვნებას/ებს არ ასახელებთ...თქვენი პარტიის ერთ ერთი იდე-ფიქსია, თავიდან აიცილონ დანაშაულის წახალისება, უკანონობა და დაფიქრდით, ამ იდე-ფიქსთან წინააღმდეგობაში ხომ არ მოდიხართ?!“ - წერს თამთა მეგრელიშვილი.

შეგახსენებთ, რომ პრეზიდენტ სალომე ზურაბიშვილის მიერ მკვლელობაში მსჯავრდებულის შეწყალების ფაქტზე დაწყებული გამოძიების ფარგლებში „ევროპული საქართველოს“ წევრი ირმა ნადირაშვილი გენერალურ პროკურატურაში გამოკითხვაზე იმყოფება.